14 гыйнвар көнне өлкәннәр һәм инвалидлар йорт-интернатында  Яңа ел бәйрәме узды

2022 елның 17 гыйнвары, дүшәмбе

14 гыйнвар көнне өлкәннәр һәм инвалидлар йорт-интернатында  бик күп бүләкләр, Кыш бабай һәм Кар Кызы белән Яңа ел бәйрәме узды.

Әби-бабайлар матур киемнәрдә, күзләрендә - шатлык. Иске Яңа ел белән интернатта яшәүчеләрне район мәдәният йорты артистлары котлады. Бәйрәм уеннар, конкурслар, котлаулар, шигырьләр белән үрелеп барды.

Без - мәдәният хезмәткәрләре өчен олы яшьтәге кешеләр белән янәшә булу - чын игелек һәм хөрмәт дәресе. 

Бәйрәм бер сулышта узды. Һәр катнашучы Кыш бабайдан бүләк кенә түгел, күңел күтәренкелеге һәм яхшы кәеф алды.