Татарстанның беренче Президенты Минтимер Шәймиевкә 85 яшь тула
Бүген, 20 гыйнварда, Татарстан Республикасының беренче Президенты, ә хәзер Татарстан Республикасы Дәүләт киңәшчесе Минтимер Шәрип улы Шәймиев 85 яшьлек юбилеен билгеләп үтә.
Бу истәлекле дата уңаеннан Чирмешән районы өчен дә әһәмиятле берничә вакыйга турында сөйләячәкбез.
Район үзәге янында сигез чакрымлы әйләнеш юлын төзү мөһим вакыйгаларның берсе булды, ул үз эченә 114 метр озынлыктагы күперне ала. Ике ел дәвамында барган юл-төзелеш эшләренә республика бюджетыннан 100 миллион сумнан артык акча бүлеп бирелгән. Бүген әлеге юл аша транзит транспорты республикадан Самара өлкәсенә, район үзәгенә кермичә генә үтә ала. Шунысын да билгеләп үтәргә кирәк, юл төзегәндә чирмешәнлеләргә күршеләре белән килешергә туры килде - Самара өлкәсе җирләренең бер өлеше Чирмешән районына күчте.
2007 елда балалар сәнгать мәктәбе ачылу район халкы өчен зур вакыйга булды. Балалар өчен яңа сәнгать мәктәбе өч катлы бинада урнашкан, ул заманча җиһазлар белән җиһазландырылган, яшь талантлар музыка, бию һәм рәсем белән шөгыльләнә ала.
