Иҗади сезон ачылу уңаеннан бәйрәм концерты
Кичә, 20 нче октябрьдә район мәдәният йортында «Иҗади уңышлар дөньясына ишекләр ачарбыз» дигән, мәдәният учреждениеләренең яңа сезоны ачылуга багышланган, зур концерты булды!
Иҗади сезонны ачу-иң беренче чиратта бәйрәм. Бу үзенә күрә визит карточкасы, аның ярдәмендә артистлар, мәдәният коллективлары тамашачы белән таныша һәм узган сезондагы иң яхшы чыгышларын күрсәтә.
Кунаклар беренче минутлардан иҗади дөньяга чумды, фойеда үзешчән сәнгать тормышының иң истәлекле мизгелләре сурәтләнгән фотосурәтләрдән күргәзмә оештырылды.
«Ветеран» вокаль ансамбле кунакларны икмәк-тоз белән каршы алды, йола залында мәдәният учреждениеләре хезмәткәрләренең иҗади күргәзмәсе оештырылды, анда белгечләр үз эшчәнлекләре белән уртаклаштылар.
Тамашачылар балалар сәнгать мәктәбе укучылары чыгышыннан, яшь конферансьедан, район мәдәният йорты, авыл мәдәният йортлары һәм клублары вокаль ансамбльләренең дәртле җырларыннан һәм биюләреннән һәм, әлбәттә, үзешчән сәнгать башкаручылары чыгышларыннан ләззәт ала алдылар.