"Легенда" хәрби-патриотик клубы җитәкчесе белән очрашу

2022 елның 7 ноябре, дүшәмбе

Чирмешән аграр техникумында  мемориаль үзәк хезмәткәрләре "Легенда" хәрби - патриотик клубы җитәкчесе Малыгин Владимир Сергеевич белән очрашу оештырды.

Владимир Сергеевич Нурлат шәһәрендә 2014 елның 2 июнендә оештырылган «Легенда» клубы эше турында сөйләде.

Клуб әгъзалары Бөек Ватан сугышы елларында югалган сугышчыларны эзләү, сугышчыларны күмү, һәйкәлләр кую буенча вахталарда, җирләү эшләре буенча хәтер маршларында катнаштылар.

Шулай ук студентларга эзләнүчеләр эше турында видеофильм күрсәтелде.