Яңа Элмәле авыл китапханәсе инвалидлар декадасына чаралар уздырды

2022 елның 8 декабре, пәнҗешәмбе

Китапханәдә инвалид Константинова Алена белән «Безнең куллар иҗаты» дип исемләнгән очрашу үткәрелде. Ул буш вакытта эшсез утырмый: оекбашлар, балаларга шарфлар, снудалары бәйли.

Китапханәче инвалид-яшүсмер Симухина Полинада булды. Аның күрү проблемасы бар, ләкин ул аның сәләтен чикләми - ул  аппликация белән шөгыльләнергә ярата.

Шулай ук, мәдәният йорты хезмәткәрләре белән бергә, коляскадагы инвалид Максимов Михаил Клементьевичта булдылар.  Ул коляскалы булса да, куллары бик оста, һөнәрчелекне ярата һәм өйдәге барлык эшләрне рәхәтләнеп башкара.