Геройлар көненә багышланган концерт

2022 елның 9 декабре, җомга

Россиядә Ватан Геройлары көне - истәлекле дата, ул ел саен 9 декабрьдә билгеләп үтелә.

Ватан Геройлары көнендә без кыю, батыр кешеләргә, Ватаныбыз хакына, якыннарыбызны коткару, тынычлык, муллык, җиребездә иминлек өчен кыю эшләр башкарган гражданнарыбызга хөрмәт күрсәтәбез.

Бүген бу истәлекле датада, 9 декабрьдә, район мәдәният йортында Геройлар көненә багышланган тематик концерт һәм милиция хезмәткәре Мирсәит Кәбиров истәлегенә кичә узды.

Чарада катнашучылар якташыбыз, милиция майоры, куркыныч җинаятьчене тоткарлаганда һәлак булган Мирсәет Мирсәяф улын, районыбызның һәм анда яшәүчеләрнең тынычлык сагында торучыларны искә алдылар.

Үз гомерләрен корбан иткән кешеләрнең батырлыклары турында хәтер Чирмешән тарихында мәңгегә сакланачак.