Юбилярлар гаиләләрне хөрмәтләү тантанасы

2023 елның 11 гыйнвары, чәршәмбе

6 гыйнварда Бәркәтә авылы мәдәният йортында бәйрәм -"Безнең гаилә учагы" исемле юбиляр гаиләләрне хөрмәтләү тантанасы узды. Чарада 4 гаилә катнашты:

1. Әгъдәс һәм Флера Миргалимовлар гаиләсе 40 ел бергә яшәгәннәр;

2. Салихҗан һәм Сәрия Бикбовлар гаиләсе 45 ел бергә гомер иткәннәр;

3. 40 ел бергә яшәгән Ибраһим һәм Җәүхәрия Әхмәтҗановлар гаиләсе;

4. 30 ел бергә яшәгән Илдар һәм Илсөяр Миргалимовлар гаиләсе.

Тантанада балалары, оныклары, туганнары, якыннары, юбилярларның  коллегалары катнашты! Җирлек башлыгы Ринат Сибгатуллин котлау хатлары һәм кыйммәтле бүләкләр тапшырды.

Чара җирле артистлар һәм район мәдәният йортыннан чакырылган башкаручыларның матур җырлары белән үрелеп барды.