«Созвездие – Йолдызлык – 2023» эстрада сәнгатенең ачык республика телевизион яшьләр фестиваленең район этабының гала-концерты
20 февральдә Лашман авылы мәдәният йортында ТР «Созвездие-Йолдызлык»эстрада сәнгате ачык телевизион яшьләр фестиваленең район этабының сайлап алу туры узды.
Фестиваль «Вокал-соло», «Вокаль ансамбльләр», «Хореография», «Конферанс» номинацияләре буенча узды.
Сайлап алу турын узган катнашучылар фестивальнең 21 февральдә узган район этабы Гала-концертында катнашты.
Фестивальдә балалар сәнгать мәктәбе укучылары, яшьләр ял үзәге һәм район мәдәният йорты каршындагы түгәрәкләрдә шөгыльләнүче балалар, Чирмешән муниципаль районы авыл җирлекләреннән балалар катнашты.
Балаларның таланты һәм тырышлыгы, остазларның тырыш хезмәте нәтиҗәсендә, һәр бала һәм коллектив дипломнарга һәм бүләкләргә лаек булды.
Район туры җиңүчеләре, 2023 елның 10-11 мартында Алексеевскида узачак «Созвездие – Йолдызлык – 2023» яшьләр эстрада сәнгате фестиваленең зона этабында катнашачаклар.
Ел саен катнашучылар саны арта бара һәм "Созвездие-Йолдызлык" фестивале безнең район өчен генә түгел, республикабыз өчен дә зур әһәмияткә ия мәдәни вакыйга дип әйтергә була.