"Без бергэ" республика балалар халык иҗаты фестиваль-конкурсының муниципаль этабы

2023 елның 15 марты, чәршәмбе

Мәктәп укучыларын иҗади үстерү максатларында 15 мартта Иске Элмәле мәдәният йортында «Без бергэ» республика балалар халык иҗаты фестиваль – конкурсының муниципаль этабы уздырылды.

Мәктәп укучылары, педагоглар халык ансамбле,  вокал, инструменталь ансамбль, Нәфис сүз, хореография номинацияләрендә чыгыш ясады. Фестиваль программасында махсус иҗади гаилә номинациясендә 3 гаилә  чыгыш ясады. Лашман мәктәбенең коррекция сыйныфларының «Радуга» төркеме бу фестивальдә ел саен катнаша, җитәкчесе – Шакирова Гүзәл Фазыл кызы.

Муниципаль этап җиңүчеләре 6 апрельдә Әлмәт шәһәрендә узачак конкурсның зона этабында катнашачак.