Чирмешән муниципаль районында татар милли мәдәнияте атналыгы старт алды
Чирмешән муниципаль районында 30 мартта татар милли мәдәнияте атналыгы старт алды.
Татар мәдәнияте атналыгы башлану уңаеннан район мәдәният йортында "Халкым мирасы-Чирмешән бизәклере" милли концерты узды.
Чара башында кунакларны һәм район халкын йолалар залында каршы алдылар, анда авыл мәдәният йортлары хезмәткәрләре оештырган күргәзмәне генә түгел, ә татар милли ризыкларын да авыз итә алдылар.
Икенче өлеш сәхнәдә дәвам итте, анда тамашачыларны район мәдәният йорты каршындагы «Умырзая» ансамбле, Әмировның «Тансык» ансамбле, Утыз Имянның «Наз» ансамбле, Иске Үтәмешнең «Хыял» ансамбле сөендерде.
Һәм, әлбәттә, солистларның искиткеч чыгышлары: Таския Кәримова, Динара Хәмитова, Зилия Минханова , Яна Разукова, Айнур Галләмов, Нияз Суфиянов, Рузаль Мусин, Разил Максумов, балалар сәнгать мәктәбенең «Бәхетле балачак» һәм «Планета төсләре» бию коллективлары.
Татар мәдәнияте атналыгы дәвамында Карамыш мәдәният йортына барырга була, анда мәдәният йорты хезмәткәрләре татар милли уеннары белән якыннан таныштырачак, татар милли ашлары көне Туймәттә, татар милли традицияләре һәм гореф –гадәтләре көне - Иске Кадида, татар милли җырлары һәм биюләре көне -Түбән Кәминкәдә, татар милли костюмы көне Бәркәтәдә узачак.