Фәрит Яруллин исемендәге яшь музыкантларның ачык республика конкурсы

2024 елның 19 феврале, дүшәмбе

Район балалар сәнгать мәктәбе халык уен кораллары бүлегенең 4 сыйныф укучысы Ризван Харисов Әлмәттә узган бәйгедән бүләк белән кайткан. Ул Фәрит Яруллин исемендәге яшь музыкантларның ачык республика конкурсында “Халык уен коралларында уйнаучылар” номинациясендә аккордеон белән чыгыш ясап, өченче дәрәҗә лауреат булган.