РФ Дәүләт Думасы депутаты Айдар Метшин Чирмешән районында гражданнарны кабул итте

2024 елның 6 июне, пәнҗешәмбе

Чирмешәнгә эш визиты белән Россия Федерациясе Дәүләт Думасы депутаты Айдар Метшин килде. ⁣ «Бердәм Россия» партиясенең җәмәгать кабул итү бүлмәсендә Айдар Рәис улы район башлыгы Рамил Айбатов белән бергә гражданнарны кабул итте. ⁣

1 нче Чирмешән урта мәктәбе һәм Чирмешән лицее директорлары спорт залларын ремонтлауда ярдәм сорап мөрәҗәгать иттеләр. Район кунагы шул ук көнне әлеге объектларны карады, ремонт мәсьәләсен контрольгә алды. ⁣

Айдар Метшин махсус хәрби операция зонасында хезмәт итүче чирмешәнлеләрнең гаиләләре белән очрашты һәм якыннарының туган якларына тизрәк һәм имин кайтуын теләде.