Чирмешән муниципаль районында татар бәйрәме Сабантуй узды
Чирмешән муниципаль районында Сабантуй бәйрәме узды. Сабантуй бәйрәме - татарларның төп халык бәйрәмнәренең берсе, анда халыкның матур гореф-гадәтләре, җырлары, биюләре һәм йолалары берләштерелә. Кунакларны һәм район халкын җырлар, биюләр һәм тәмле сыйлар белән рус, татар, мордва һәм чуваш милли йортлары көтте. Аннары чара мәдәният хезмәткәрләре һәм район укучылары катнашында тантаналы ачылыш һәм театральләштерелгән композиция белән дәвам итте. Чирмешән районы башлыгы Рамил Тәлгать улы Айбатов котлады, Федераль казначылыкның Татарстан Республикасы буенча идарәсе җитәкчесе Рөстәм Нуриәхмәтов чирмешәнлеләргә Сабантуй уңаеннан Татарстан Республикасы Рәисенең сәламләвен укыды, Татарстан Республикасы Дәүләт Советы депутаты Людмила Рыбакова бәйрәм кунакларына һәм халыкка котлау сүзе белән мөрәҗәгать итте. Район алдынгыларын, шулай ук отпускка кайткан махсус хәрби операциядә катнашучыларны хөрмәтләделәр, районның 18 лаеклы гаиләсенә сертификатлар тапшырылды. Бәйрәм яшь талантлар, Чирмешән районы ансамбльләре һәм, әлбәттә, татар эстрадасының танылган башкаручылары катнашында бәйрәм концерты белән дәвам итте. Милли көрәш, ат чабышлары күпсанлы аудиторияне чолгап алды. Һәм, әлбәттә, Чирмешәндә Сабантуйның чын бизәге -«Аударыш» уены булды, ул бик күп тамашачыларны җыйды һәм катнашучыларга һәм тамашачыларга ошады. Сабантуй якты тәэсирләр белән истә калыр, ел буе көч бирер дип өметләнәбез. Бу бәйрәм сезнең йөрәкләрегездә тормышта онытылмаслык вакыйга булып калсын, тормышыгызны шатлык яктысы белән тутырсын!