"Суган басуы" төбәкара фестивале
Чирмешән муниципаль районының «Сабантуй» стадионында "Суган басуы" төбәкара фестивале узды. Фестиваль мәдәният хезмәткәрләре һәм балалар сәнгать мәктәбе укучылары катнашында бәйрәм прологы белән ачылды, шуннан соң тантананың рәсми өлеше узды.
Чирмешән муниципаль районы башкарма комитеты җитәкчесе Җамалетдинов Илнур Минсәгыйть улы һәм Таткультресурцентр «ДБУнең проект эшчәнлеге һәм мәдәни инициативаларга ярдәм буенча сектор урынбасары Фаезова Гүзәл Наил кызы кунакларга һәм район халкына сәламләү сүзе белән мөрәҗәгать иттеләр.
Фестивальдә Татарстан Республикасы муниципаль районнарыннан, Самара өлкәсенең Шенталы һәм Чаллы-Верша районнарыннан һәм Башкортостан Республикасының Туймазы районыннан коллективлар катнашты. Фестиваль кысаларында "Борынгы милли җырлар" (соло, ансамбльләр) Вокаль һәм фольклор сәнгате конкурслары, "Гасыр йолалары" борынгы йолалар конкурсы һәм "Суган игү остасы" талантлар конкурсы узды.
Шулай ук мастер-класслар, балалар өчен уен мәйданчыклары оештырылды. Кунакларны һәм халыкны суган ашы һәм зур тәмле суган бәлеше белән сыйладылар. Фестивальдә катнашучыларның барысына да "Луковая долина" төбәкара фестиваленең дипломнары һәм статуэткалары тапшырылды.
Якташларыбыз, кунаклар һәм экспертлар өчен Татарстан Республикасы районнары һәм Россия Федерациясе төбәкләре территориясендә яшәүче халыкларның мәдәни мирасының бөтен матурлыгы тәкъдим ителде.