Чирмешән районында яшәүчеләр махсус хәрби операция зонасына гуманитар ярдәм озаттылар

2025 елның 26 мае, дүшәмбе

Район башлыгы Рамил Айбатов җитәкчелегендәге сигез якташыбыз хәрби хезмәткәрләргә гуманитар ярдәм белән СВО  зонасына юл тотты. Маршрутның бер ягы гына да 3 мең километрдан артык тәшкил итә.

Гомуми авырлыгы ике тоннага якын булган йөккә кием-салым, азык-төлек, медикаментлар, беренче кирәк-ярак әйберләре, шулай ук сугышчылар соравы буенча махсус техника һәм җиһазлар: бензопилалар, газ баллоннары, генератор, шуруповертлар, рацияләр һәм бинокльләр алып киттеләр.

Акчаның бер өлеше район халкы ярдәме белән җыелган.