Яңа Элмәле авыл җирлеге өчен тантаналы көн

2025 елның 21 июле, дүшәмбе

19 июль көнне Яңа Элмәле авыл җирлегендә истәлекле вакыйга - Совет һәм башкарма комитетның яңа административ бинасын ачу тантанасы булды!

Бу җирлек үсешендә җирле администрация эше һәм халыкны кабул итү өчен заманча һәм уңайлы шартлар тудыручы мөһим адым.

Шул ук бәйрәм көнендә җирлеккә рәсми рәвештә аның символларын – герб һәм флагны дәүләт теркәвенә алу турында таныклыклар тапшырылды. Хәзер Яңа Элмәленең үз тарихын һәм үзенчәлеген чагылдырган уникаль, юридик яктан расланган символлары бар!

Яңа Элмәле авыл җирлегендә яшәүчеләрне икеләтә бәйрәм белән Чирмешән муниципаль районы башлыгы Рамил Айбатов чын күңелдән котлады.

Яңа Элмәле авыл җирлегендә яшәүчеләрне әлеге  вакыйгалар белән котлыйбыз!