«Гвардия» эзләү отряды белән очрашу
Россиядә 13 мартта билгеләп үтелә торган эзләү көне алдыннан мемориаль үзәк хезмәткәрләре Зәй шәһәреннән «Гвардия» эзләү отряды вәкилләренең аграр техникум студентлары белән очрашуын оештырды.
Мемориаль үзәк һәм «Гвардия» отрядын күптәнге дустанә мөнәсәбәтләр һәм тыгыз хезмәттәшлек бәйли. Эзләүчеләр экспедицияләрдә табылган артефактларны даими рәвештә музей фондларына тапшыралар, шуның белән тарихи хәтерне саклауга бәяләп бетергесез өлеш кертәләр.
Отряд җитәкчесе Виктор Михайлович Никифоров студентларга Татарстан Республикасында 64 отрядны берләштергән эзләнү хәрәкәте эшчәнлеге турында сөйләде. Эш елларында «Гвардия» сугышчылары тарафыннан 350 дән артык сугышчы табылган һәм күчереп җирләнгән, һәлак булган 36солдатның шәхесләре ачыкланган. Алты гаилә туганнарының җирләнгән урыннары турында төгәл мәгълүмат алды. Очрашуга чакырылган СВО катнашучысы яшьләргә патриотизм, буыннар дәвамчанлыгы һәм ил тарихына хөрмәт белән мөрәҗәгать итте.
Очрашуның кульминациясе «Гвардия» эзләү отрядыннан мемориаль үзәккә пыяла ампула — Бөек Ватан сугышы чоры ампулометына сирәк очрый торган боеприпас бүләк итү булды. Әлеге сирәк экспонат музей экспозициясендә лаеклы урын алачак. Чара азагында студентлар алып килгән экспонатлар белән таныштылар һәм кунакларга сораулар бирделәр.