"Кешеләргә матурлык бүләк итегез" кул эшләре осталары клубы кичәсе

Элек-электән хатын-кызлар өйләрен һәм көнкүрешләрен матурайту өчен тырышканнар. Алар иң гади материаллардан да күз явын алырлык эшләнмәләр ясаганнар. 8 Март - Халыкара хатын-кызлар бәйрәме алдыннан район үзәк китапханәсе хезмәткәрләре "Кешеләргә матурлык бүләк итегез" кул эшләре осталары клубы кичәсе үткәрделәр. Тасмалар белән чигү остасы Кузина Людмила Владимировна мастер-класс үткәреп, әлеге һөнәрнең нечкәлекләренә төшенергә ярдәм итте.