Ярминкәдә бәйрәм концерты

8 мартта Кәрвансарай сәүдә йортының сәүдә мәйданында бәйрәм ярминкәсе булды. Халыкара хатын-кызлар көненә багышланган ярминкәдә район мәдәният йорты артистлары - Рәхилә Шакирова, Рушания Шакирова, Илһам Мортазин, Александр Селезнев, Әлфия Закирова, Агриппина Рыбакова чыгышларыннан торган концерт та тәкъдим ителде, Районда яшәүче барлык хатын-кызларга багышлап артистларыбыз татар, рус, чуваш телләрендә мәхәббәт, әниләр турында җырлар башкардылар. Ярминкәгә әлеге концерт бәйрәм рухы өстәде, бирегә килүчеләрнең кәефләре күтәрелде.