Укучылар өчен "Без сәламәтлек яклы!" дип исемләнгән дискотека

9 мартта район мәдәният йорты хезмәткәрләре 4-5 сыйныф укучылары өчен "Без сәламәтлек яклы!" дип исемләнгән дискотека оештырдылар. Тяпа исемле клоун (Агриппина Рыбакова) һәм алып баручы (Әлфия Закирова) 2 нче Чирмешән урта мәктәбе укучылары һәм укытучылары белән кызыклы уеннар, конкурслар белән күңелле эстафета оештырдылар. Үзләренә "Спорт" һәм "Чемпион" исемнәре алган ике команда чаңгыларда узыштылар, скакалкада сикерделәр, "атларга" атланып йөгерделәр, табышмакларга җаваплар эзләделәр, бирелгән хәрефләрдән сүзләр тезделәр, эшләпәләрне чәчәкләр белән бизәделәр, баш киемнәре белән мода күрсәттеләр. Билгеле инде, программаның төп өлеше дискотекадан тора иде. Балалар өчен бию көйләреннән торган программаны Александр Селезнев төзеде. Бәйгедә 1 баллга күбрәк очко җыеп "Чемпион" командасы җиңде. Район мәдәният йорты директоры Ольга Маркова катнашучыларга Дипломнар һәм призлар тапшырды. Укучылар рәхмәт әйтеп, мондый чараларның тагын да оештырылуын теләп, күтәренке кәеф белән таралыштылар.