"Туган як җәүһәрләре" халык иҗаты район фестиваленең 2 туры

11 мартта Иске Элмәле авыл мәдәният йортында "Туган як җәүһәрләре" халык иҗаты район фестиваленең 2 туры узды. Биредә Әккәрәй, Ивашкино, Күтәмә, Иске Котыш, Ульновка, Иске Элмәле, Яңа Элмәле, Шешминка, Мордва Афонькәсе, Түбән Кармалка, Сосновка, Дев. Поляна үзешчән сәнгатьтә катнашучылар коллективлары чыгыш ясадылар. Жюри игътибарына фестивальнең 1 турында сайланып алынган 41 концерт номеры тәкъдим ителде. Шуларның 18се гала-концертка узды. Иске Элмәледән "Ивушки", Яңа Элмәледән "Пилеш", "Лейся песня", Әккәрәйдән "Хавас" һәм "Салкус", Шешминкадан "Ой, калина", Иске Котыштан "Черемушка", Ивашкинодан "Мерчень" вокал ансамбльләре бик уңышлы, югары дәрәҗәдә чыгыш ясадылар. Аерым чыгышлар белән  Марина Лазарчук (Күтәмә), Вера Захарова (Иске Элмәле), Олег Еферов (Әккәрәй) , Вера Толстова, Ольга Коченковалар да тамашачылар һәм жюри әгъзаларының мәхәббәтен яуладылар.