Үзәк Яңа ел Чыршысын ачу тантанасы үтте

2014 елның 29 декабре, дүшәмбе
27 декабрьдә Чирмешәннең Яшьләр мәйданчыгында Үзәк Яңа ел Чыршысын ачу тантанасы үтте.
Бәйрәм кунакларын район башкарма комитеты җитәкчесе урынбасары Әкъдәс Әсхәт улы Шакиров якынлашып килүче 2015 ел белән тәбрикләде, барлык чирмешәнлеләргә һәм район кунакларына ул саулык, бәхет, иминлек теләде.
Элекке еллардан килгән традиция буенча, үзәк Чыршыны ачу тантанасында Яңа ел мәйданчыкларын бизәү буенча район конкурсында җиңүчеләр бүләкләнде. Быел әлеге бәйгедә беренче урынны Чирмешәндәге "Ромашка" балалар бакчасы яулады.
Төрле милләт Кыш бабайлары, ел символы булган - Кәҗә һәм Сарыклар, тагын күп төрле әкият персонажлары кунаклар белән төрле уеннар, конкурслар оештырдылар, район артистлары Яңа ел бәйрәменә күп төрле концерт номерлары әзерләгәннәр иде. Чыршы ачу тантанасына килгән кунаклар аларга кушылып җырлап-биеп тә күңел ачтылар. 
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International