Фәнил Гыйләҗевның "Ризасызлык" китабын тәкъдим итү булды

Әлеге чарага яшь шагыйрьнең әнисе, ветеран укытучылар, авылдашлар һәм районның мәдәният хезмәткәрләре чакырылды. Китапханәче Р.Фатыйхова Фәнил Гыйләҗевның иҗаты турында сөйләде, аңа багышланган күргәзмә белән таныштырды. Ә шагыйрьнең укытучылары аның мәктәп елларын искә алдылар. 

Фәнил шигырьләрен укыды, автографлар язды. Кичә бик күңелле узды, авылдашлары аңа иҗат уңышлары теләделәр.