Чирмешән районы мәдәният хезмәткәрләре коллегиясе

Балалар сәнгать мәктәбе залында Чирмешән районы җитәкчесе Фердинат Дәүләтшин катнашында район мәдәният хезмәткәрләренең коллегия утырышы булды. 

Коллегиядә узган - Президент карары белән Мәдәният елы дип игълан ителгән 2014 елга нәтиҗәләр ясалды. 2015 елга эш планы расланды. Утырышта биналарына ремонт таләп ителүче мәдәният йортлары турында да сүз барды, район мәдәният йортының тамашачылар залы да төзекләндерүгә мохтаҗ. Фердинат Мидхәтович әлеге мәсьәләләрне хәл итү буенча кулдан килгәнне башкарырга ышандырды.