Бөтенроссия конкурсының республика этабы финалында катнаштык

Әлеге бәйгегә Чирмешән муниципаль районыннан 11 белем бирү учреждениесенең конкурс материаллары җибәрелгән иде. Район мәктәпләре арасында 1 нче Чирмешән мәктәбенең эше иң яхшысы дип сайланып алынды һәм әлеге белем йортыннан 10 класс укучылары Анастасия Романова, Ләйсән Хәсәншина һәм педагог-оештыручы Екатерина Смирнова бәйгенең республика этабының финалында катнаштылар.

Республика конкурсы "Сәләт" яшьләр үзәгендә үтте. Биредә республика районнарыннан килгән 150 укучы катнашты. Безнең команда укучылар идарәсе эшчәнлеген презентация яклап уңышлы чыгыш ясады.