"ТНВ - Планета" каналы - Чирмешән районында

"ТНВ - планета" каналы Татарстанда һәм чит өлкәләрдә яшәүче милләттәшләребез турында кызыклы тапшырулар әзерли. Әлеге телеканал журналистлары "Безнең Чирмешән" район газетасында, үзәк китапханәдә һәм мемориаль үзәктә булдылар, Орел-Курск дугасындагы бәрелешләрдә катнашкан Бөек Ватан сугышы ветераны Александр Васильевич Чупахин турында да материаллар әзерләделәр. Казан кунаклары Бәркәтә авылында "1941-1945 еллардагы Бөек Ватан сугышында Җиңүнең 70 еллыгына" юбилей медальләре тапшыру тантанасында катнаштылар. Юбилей медален Казан Кремлендә Президент Рөстәм Миңнехановтан алган Лашман ветераны Габдулла Мөхәммәтшин турында да сюжет төшерделәр.