Чирмешән муниципаль районы

22 мартта Чирмешән муниципаль районы авыл җирлекләрендә референдум узды

2015 елның 23 марты, дүшәмбе

Территорияләрне үстерү максатыннан, җирле үзидарәләрдә үзсалым җыю буенча референдумнар безнең районда да сайлаучыларның югары активлыгы белән үтте.

-Чирмешәннән кала (анда бу чара оештырылмады), барлык җирлекләрдә дә референдумнар нәтиҗәләрендә куелган сорауга күпчелек “әйе“ дип җавап бирде, - ди районның территориаль сайлау комиссиясе рәисе Рәмил Әхмәдуллин.- Сайлауларда катнашкан 8408 кешенең (исемлектәгеләрнең 96,36 проценты) 7975се (94,85 процент) үзләрендә планлаштырылган эшләргә бюллетеньдә күрсәтелгән күләмдә үзсалым акчасы җыярга ризалыгын белдерде.

Чумачкада, Әмирдә, Күтәмәдә, Кара Чишмәдә, Туймәттә, Ивашкино һәм Югары Кәминкә авыл җирлекләрендә сайлаучылар аеруча актив булганнар.

Шулай итеп, референдумнар үтте, үзсалым акчасы җыярга халыкның ризалыгы алынды. Хәзер әлеге сумманы җыярга кирәк һәм мөмкин кадәр тизрәк. Тиешенчә документлаштырылганнан соң, җирлекләргә тупланган акчага, бергә дүрт исәбеннән, республика да акча өстәячәк. Аннары планлаштырылган эшләрне башкарасы була.

Шунысы мәгълүм, җыелган акчаларны максатчан куллану, конкрет җирлектә алдан билгеләнгән эшләргә генә юнәлдерү мәҗбүри.

Кадыйр Гомәров.

http://www.nashcheremshan.ru/

Оценить материал и/или оставить мнение

БАРЛЫК ЯҢАЛЫКЛАРНЫ УКУ