Чирмешән муниципаль районы

Чирмешәндә чаңгы сезоны ябылды

2015 елның 25 марты, чәршәмбе

Сосновкада инде матур бер традициягә әйләнгән кышкы спартакиада үткәрелде. Быелгысы Бөек Ватан сугышында Җиңүнең 70 еллыгына багышланган иде.

“Три сосны – 2015“ дип аталган спорт бәйрәмендә авылыбызның дистәләгән кешесе белән беррәттән, республиканың күрше Аксубай, Нурлат, шулай ук Самара өлкәсенең Шентала һәм Исаклы районнарыннан да спорт сөючеләр катнашты.

Спартакиада программасына чаңгы узышлары, пневматик винтовкадан ату, автомат сүтеп җыю кертелгән, спортчылар арасында төрле яшьтәге һәм төрле һөнәр ияләре бар иде. Чаңгы юлына биш яшьлек һәм мәктәп балаларыннан алып өлкән яшьтәгеләр дә чыкты, ә ике кеше 70 яшьтән дә өлкәнрәк иде.

Чаңгы узышларында җиңүчеләрне Грамоталар, медальләр һәм истәлекле призлар белән бүләкләделәр, катнашучыларның барысы кайнар чәй һәм татлы ризыклар белән сыйланды.

Спорт бәйрәмен оештыруда спонсорлар ШЭ “Тимирясов П.А.“, бертуган Владимир һәм Петр Прокофьевлар, Валерий Волков, Андрей Дютин, Сергей Колесников, Михаил Ефимов, Владимир Муськин, “Иванов Ю.С.“ КФХ, Ульяновка авыл җирлеге ярдәм итте. Оештыру комитеты спортка битараф булмаган юмарт якташларына зур рәхмәт белдерә.

Ирина Федулова,

ярышлар сәркәтибе.

http://www.nashcheremshan.ru/

Оценить материал и/или оставить мнение

БАРЛЫК ЯҢАЛЫКЛАРНЫ УКУ