"Нәрсә? Кайда? Кайчан?" уеннарының район этабы тәмамланды

Быелгы турнир Бөек Җиңүнең 70 еллыгына багышланды. Әлеге бәйгене "Мәктәптән тыш эшләр үзәге" МБОУ оештырды. Район конкурсының беренче этабы "зоналар" буенча үткәрелде. Конкурста барлыгы районыбызның 16 гомумбелем бирү учреждениесе катнашты. Финалда җиңү яулаган командалар - Күтәмә мәктәбе, Советлар Союзы Герое И.Н.Конев исемендәге кадет интернат-мәктәбе, Иске Кади һәм Түбән Кәминкә мәктәпләре укучылары очрашты. Турнирның программасы үз эченә Бөек Ватан сугышының истәлекле даталарын, кискен бәрелешләрен, сугыш геройлары, якташ батырларыбыз турында сорауларны алды. Нәтиҗәдә 2 урынны Күтәмә һәм Иске Кади укучылары яулады, 3 урынга Түбән Кәминкә укучылары чыкты. Ә җиңүчеләр - кадет интернат-мәктәбе укучылары. Кадетлар район данын республика этабында - казан шәһәрендә яклаячак.

Конкурс призерларына Мактау грамоталары һәм истәлекле бүләкләр тапшырылды.