Чирмешән муниципаль районы

"Никрут юрри" чуваш җырлары республика конкурсы

2015 елның 8 апреле, чәршәмбе

Бөек Җиңүнең 70 еллыгына багышлап үткәрелүче бу чараның райондагысы Иске Элмәле авыл мәдәният йортында булды. Сайлап алу турында 6 авылдан фольклор коллективлар, аерым башкаручылар да чыгыш ясады, анда мәктәп укучыларыннан алып 60-70 яшьлек кешеләргә хәтле катнашты.

Лагеркадан Михаил Назаров һәм Михаил Трофимов һәм башкаларның чыгышларын тыңлаган өлкән буын кешеләре яшьлекләренә кайткан кебек булды.

Бәйгенең төп максаты – милли яшьләр иҗатын үстерүгә ярдәм итү, талантлы башкаручыларны ачыклау, халыкның, аеручы яшьләрнең игътибарын чуваш теленә һәм гореф-гадәтләренә җәлеп итү, патриотизм хисе, Бөек Ватан сугышы ветереннарына һәм тыл хезмәтчәннәренә хөрмәт һәм Ватанга мәхәббәт тәрбияләү, - диде әлеге конкурсның сайлап алу туры рәисе, “Сувар“ газетасының баш редакторы Константин Малышев.

Жюри иң яхшы чыгыш ясаучыларга дипломнар тапшырды, ә җиңүчеләр - гала-концертта катнашучылар бераз соңрак билгеле булачак.

Ә.Закирова.-район мәдәният йортының сәнгать җитәкчесе.

БАРЛЫК ЯҢАЛЫКЛАРНЫ УКУ