1 нче Чирмешән мәктәбенә кунаклар килде

17 апрельдә 1 нче Чирмешән мәктәбенең тарихына багышланган кызыклы чара үтте. Әлеге чарада Чирмешән муниципаль районы Башкарма комитеты җитәкчесе Фердинат Дәүләтшин, район башлыгы урынбасары Миләүшә Батыршина, Мидхат Шәрифуллин, Роберт Фәссахов, Евгений Тимохин, Иосиф Воронцов, мәктәпнең элеккеге директорлары, укытучылар, чыгарылыш укучылары да катнашты.

Очрашу мемориаль үзәктә, белем йортының тарихына багышланган күргәзмәне ачудан башланды. Стендта мәктәпнең тарихын тасвирлаучы фоторәсемнәр урын алган. Ә тарихы кызыклы аның - ул башта чиркәү-приход мәктәбе буларак ачыла, аннары земский мәктәп итеп үзгәртелә. 

Очрашу мәктәптә дәвам итте. Директор В.Плотников кунаклар өчен экскурсия үткәрде. Ә укучылар кадерле кунаклар өчен кызыклы концерт әзерләгәннәр.