Чирмешән районында паспортлар тапшыру тантанасы узды

Район Башкарма комитеты җитәкчесе мемориаль үзәктә тантаналы шартларда 31 райондашыбызга паспортлар тапшырды. Район җитәкчесе яшьләребезгә бәхет, саулык, барлык хыялларының да тормышка ашуын һәм Россия патриотлары булып үсеп җитүләрен теләде. Укучылар истәлекле бүләк ияләре дә булдылар. Әлеге тантаналы чарада муниципаль район башлыгы урыбасары Миләүшә Батыршина, УФМСның Чирмешән районындагы территориаль бүлеге начальнигы Наилә Мәссарова, укучыларның ата-аналары да катнаштылар.