Депутатлар тыл хезмәтчәннәре белән очрашты

2015 елның 29 апреле, чәршәмбе
Әлеге бәйрәмгә мәртәбәле кунаклар - ТР Дәүләт Советы депутаты, «АГРОИНВЕСТ» җәмгыяте генераль директоры Рәис Сөләйманов, депутат ярдәмчесе Игорь Анохин, ТР Дәүләт Советы депутаты, "Елховнефть" НГДУ начальнигы Рөстәм Хәлимов, депутат ярдәмчесе Рүзәл Шәймарданов, Чирмешән муниципаль районы башлыгы урынбасары Миләүшә Батыршина килде. Депутатлар интернатның үзенә һәм биредә яшәүчеләргә бүләкләр тапшырдылар. Рәис Сөләйманов һәм аның ярдәмчесе Игорь Анохин бәйрәм җыелмалары алып килделәр һәм 20 мең сумлык хәйрия ярдәме күрсәттеләр. Бу көнне шулай ук интернатта яшәүче юбиляр - 90 яшен тутырган Александра Кузина да бүләкләр һәм тәбрикләүләр кабул итте. Аны социаль яклау бүлеге начальнигы Рушания Әхмәдуллина, район башлыгы урынбасары Миләүшә Батыршина һәм депутат Рөстәм Хәлимов котладылар. Алар да өлкәннәр һәм инвалидлар йортына ризык әзерләү блогы өчен җиһазлар алырга 51180 сумлык хәйрия ярдәме күрсәттеләр. 
Бәйрәмне  район мәдәният йорты артистлары чыгышы да бизәде. Алар үз чыгышлары белән бәйрәм кәефе бүләк иттеләр. 
Бәйрәм "Үз агачыңны утырт!" акциясе белән тәмамланды. Кунаклар һәм хуҗалар барысы бердәм булып балан, кура җиләге, миләш һәм каен - барлыгы 70 төп үсенте утырттылар.
"Чирмешән өлкәннәр һәм инвалидлар йорт интернаты" ГАУСО коллективы Рөстәм Хамис улы Хәлимовка һәм Рәис Әхтәм улы Сөләймановка зур рәхмәт белдерәләр.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив документлар
Дәүләти һәм муниципаль хезмәт күрсәтү
Ришвәтчелеккә каршы көрәш
Телефон: (84396) 2-59-00
Факс: (84396) 2-59-00
E-Mail: cheremshan@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International