Чирмешәндә фронтовик Галимҗан Сөләйманов истәлегенә мемориаль такта ачтылар

2015 елның 5 мае, сишәмбе
Чирмешәндәге Геройлар Аллеясында зур тантана булды - якташыбыз Галимҗан Сөләймановка багышлап мемориаль такта ачтылар. Әлеге зур чарада район җитәкчеләре, Галимҗан Сөләйман улының балалары, оныклары, оныкчыклары, туганнары, авылдашлары, мәктәп укучылары һәм мәдәният хезмәткәрләре дә катнашты.
Галимҗан Сөләйманов сугышка кадәр җаваплы постларда хезмәт куйган - МТСта эшләгән, парторг, колхоз рәисе булып торган. Австрияне, Югославияне фашистлардан азат итешкән, Сталинградтан Будапештка һәм Венага кадәр барып җиткән, Башкомандующий Сталинның рәхмәтенә ирешкән фронтовикны сөенә-сөенә туган авылына - Иншарга, Түбән Кәминкәгә сөекле хатыны, 7 баласы – нарасыйлары янына кайту юлында, үзебезнең районда атып үтерәләр. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International