Чирмешән муниципаль районы

Чирмешән районының Мемориаль үзәгендә "Ике солдат" дип исемләнгән күргәзмә ачылды

2015 елның 8 мае, җомга

Әлеге күргәзмәдә икесе дә прокуратурада эшләгән, икесе дә Иске Элмәле авылында туып үскән фронтовикларның документлары, фоторәсемнәре һәм сугышчан бүләкләре урын алган.

Захаров Тимофей Захарович 1909 елда туган. 1941 елның 22 июнендә ТАССРның Беренче Май район военкоматы тарафыннан хәрби хезмәткә алына. 270 нче гвардия укчы кызыл байраклы дивизиядә хезмәт итә. Белгород һәм Харьков өчен барган бәрелешләрдә катнаша, Немецларның Кишинев группировкасын тар-мар итүдә үз өлешен кертә. Аның сугышчан юлы бөтен Европа аша узып, Берлинга кадәр җитә.

Кызыл Йолдыз ордены белән бүләкләнә, "Варшаваны азат иткән өчен", "СССР Хәрби Көчләренә 50 ел", "1941-1945 еллардагы Бөек Ватан сугышында Германияне җиңгән өчен" медальләре иясе.

Елин Гавриил Захарович 1911 елда туган, 1928 елда җидееллык мәктәп тәмамлый. Туган авылында "Большевик" колхозын төзүдә беренчеләрдән була. 1935 елда Казан юридик мәктәбен тәмамлый. 1941 елда хәрби хезмәткә алына. Взвод командиры, разведка ротасы командиры, соңрак пулемет батальоны командиры булып хезмәт итә. Аның сугышчан юлы Сталинградтан башлап Берлинга кадәр дәвам итә. Орден һәм медальләр белән бүләкләнә. Берлин Хәрби прокуратурасының өлкән тикшерүчесе итеп билгеләнә. Анда 1947 елның июленә кадәр хезмәт итә.

Оценить материал и/или оставить мнение

БАРЛЫК ЯҢАЛЫКЛАРНЫ УКУ