Ватан Әлифбасы

Татарстан Республика Муниципаль берәмлекләр Советы рәисе Минсәгыйть Шакиров ТР Милли музеенда - Чирмешән районында яшәп иҗат итүче рәссам Әнвәр Сәйфетдиновның шәхси күргәзмәсендә булды. 

ТР Рәссамнар Союзы әгъзасы, "Дастан" иҗади төркеме лидеры, В.И.Суриков исемендәге МГАХИ тәмамлаган әлеге рәссамның күргәзмәсе 25 апрельдә ачылган иде. Биредә һәр кеше "үз" картинасын таба ала. "Әлифба" сериясендәге эшләр балалар өчен, пейзажлар, натюрмортлар, портретлар - һәркем өчен кызыклы.