Чирмешән ветераны Николай Евдокимов янына яшьгвардиячеләр килгән

2015 елның 18 мае, дүшәмбе
Әлеге хәрәкәт активистлары Бөек Ватан сугышы ветераны Николай Евдокимовның бакчасын җыештырышып, фронтовик белән сөйләшеп тә утырганнар.
-Олы кешегә аралашу да - җан азыгы. Ветераннарыбыз кадер - хөрмәткә лаек буын. Аларга булышып яшәү – безнең, яшьләрнең бурычы, - ди  райондагы “Яшь Гвардия” хәрәкәте  лидеры Ирек Нуретдинов. 
Евдокимов Николай Васильевич 1925 елның 13 декабрендә Иске Котыш авылында туган. 1941 елның 1 январенда армия сафларына алынган. Башта Монголиядә хезмәт иткән, аннан Казанда полк мәктәбен тәмамлап, танкка каршы корал командиры званиесе ала. Фронтка Белоруссиядә керә. 1944 елның 19 июнендә фронтовик каты яралана һәм 8 ай госпитальдә ятканнан соң тылга озатыла. Алар тормыш иптәше Зинаида Михайловна белән сигез бала тәрбияләп үстерәләр.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International