Химия һәм биология укытучыларының август киңәшмәсе үтте

Киңәшмәдә район мәктәпләреннән 28 педагог катнашты. Биредә химия һәм биология укытучылары район методик берләшмәсенең узган уку елында башкарган эшләренә анализ ясалды, 2015-2016 уку елына эш планы каралды. Чирмешән лицееның химия укытучысы Галия Сибгатуллина "Укучыларны олимпиадаларга әзерләүдә оештыру-педагогик шартлар тудыру" темасына чыгыш ясады. Биредә шулай ук мәктәпләрдә бюджеттан тыш эшчәнлек алып бару турында да фикер алышу булды.