Чирмешән өлкәннәр һәм инвалидлар йорт-интернатында балалар чыгышын карарга яраталар

1 нче Чирмешән мәктәбе һәм лицей укучылары интернатка концерт белән килделәр. Укучылар биредә яшәүчеләргә җыр-биюләр, шигырьләр бүләк итеп, аларны Өлкәннәр көне белән тәбрикләделәр. 

Йорт-интернатта яшәүчеләр балалар чыгышын бигрәк тә яратып карыйлар, аларны көтеп алалар. "Мәктәп укучылары концертын көн дә карарга әзер без", - диләр әби-бабайлар. Укучылар исә озакламый яңа концерт программасы белән килергә вәгъдә иттеләр.