Россия Пенсия фондының Татарстан бүлекчәсе ана (гаилә) капиталыннан бер тапкыр бирелүче түләүләрне 25 мең гаиләгә түләгән

2015 елның маеннан бирле РПФның территориаль органнары сертификат ияләреннән 25 мең гариза кабул иттеләр. Әлеге бер мәртәбә бирелүче түләүләр 20 мең сум тәшкил итә. Бу мөмкинлектән ана капиталыннан файдаланмаган яки өлешчә генә файдаланган гаиләләр файдалана ала. Бу түләүләрне алырга теләүче гражданнар 2016 елның 31 мартына кадәр гариза биреп өлгерергә тиешләр.