Эшчәнлекләрен туктаткан эшмәкәрләргә исәптән төшәргә кирәк

Шәхси эшмәкәрләр Пенсия фондына иминият кертемнәрен бер мәртәбә яки берничә тапкыр ел ахырына - 31 декабрьгә кадәр түлиләр. Мәҗбүри пенсия иминиятләвенә 18 610 сум 80 тиен, мәҗбүри медицина иминиятләвенә 3 650 сум 58 тиен түләргә кирәк. 300 меңнән күбрәк керем алучы эшмәкәрләр кертемнәрне үткән хисап елыннан соң килүче елның 1 апреленә кадәр түләргә тиешләр. Эшчәнлекләрен туктатучы эшмәкәрләр дә алым декларациясе тапшырырга тиешләр. Тапшырмаган очракта Пенсия фонды закон нигезендә алардан иминият кертемнәрен түләтәчәк.