"Елмаю бүләк ит" дип исемләнгән чара үтте

Чирмешән районы "Изге йөрәк" үзәгенең гаиләгә һәм балаларга социаль ярдәм күрсәтү бүлекчәсе физик мөмкинлекләре чикле балалар һәм аларның әти-әниләре өчен "Елмаю бүләк ит" дип исемләнгән чара оештырдылар. "Ассоль" әдәби кафесында узган чарада балалар төрле уеннарда, конкурсларда катнаштылар. Ә соңыннан кунаклар барчасы бергә җыелып чәй өстәле артында тәм-томнар белән сыйландылар.