13 декабрьдә Чирмешән мәчетендә район балалар сәнгать мәктәбе укучылары һәм укытучылары ислам дине, аның традицияләре турында вәгазь тыңладылар. Биредә шулай ук "Минем гаиләм шамаиле" дигән конкурска йомгак ясалды, җиңүчеләрне Хабир хәзрәт Ханов бүләкләде. Сәнгать мәктәбе коллективы Чирмешән мәчетенә һәм имам Хабир хәзрәткә бәйгеләр оештыруы һәм тәрбияви лекцияләре өчен бик рәхмәтле.