"Изге эшләр эшләргә ашыгыгыз" чаралар циклы
Үзәк балалар китапханәсе Бөтенроссия "Язгы игелек атансы" акциясендә актив катнашты һәм чаралар циклы уздырды:
19 апрель - Китап укучы гаилә көне. Бәйрәмгә иң күп китап укучы гаиләләр чакырылды, алар белән конкурслар, әдәби викторина уздырылды, уеннар уйнадылар. Барлык гаиләләргә дә Дипломнар һәм истәлек бүләкләре тапшырылды.
20 апрель - Чирмешән кадет мәктәп-интернатының 5 һәм 7 класс укучылары белән "Яхшылык һәм начарлык: эшләребезнең сәбәбе" темасына тәрбияви дәрес уздырылды. Әңгәмә слайдлар белән үрелеп барылды.
21 апрель - беренче Чирмешән мәктәбенең 2 класс укучылары белән "Изге эшләрнең адресы" темасына дәрес уздырылды.
23 апрель - "Яшь китапханәче" түгәрәге членнары белән "Минем яхшы эшләрем" темасына әңгәмә үткәрелде.
"Гаиләбез белән китап укыйбыз" фоторәсемнәр конкурсына йомгак ясалды. Мөхәммәтшиннар, Пешковлар, Черновлар гаиләләренә бүләккә китаплар тапшырылды.