Чирмешәндә Искечә Яңа елны каршы алдылар

2022 елның 17 гыйнвары, дүшәмбе

Искечә Яңа елны каршылау кичәсендә Чирмешәндә, үзәк чыршы янында креатив чаналар парады булды. Анда 6 гаилә актив катнашты. Бәйрәмдә катнашучыларны һәм кунакларны район мәдәният бүлеге  начальнигы Рузилә Минхәерова сәламләде һәм котлады.

Биремнәр нибары ике генә иде. Креатив чаналар әзерләргә, шулай ук аларны тамашачыларга һәм жюри әгъзаларына  тәкъдим итәргә кирәк иде.
Беренче урынны - Рыбкиннар гаиләсе, икенче урынны Назимовлар гаиләсе, өченче урынны Югары Кармалка авылыннан Вера Тимофеевага һәм аның дусларына бирделәр. Барлык катнашучыларга район мәдәният йорты исеменнән истәлекле бүләкләр тапшырылды.
Чара җылы котлаулар, концерт һәм конкурслар белән үрелеп барды.