РФ ФҖ Федерация Советы Сенаторлар клубы делегациясенең, башкарма директоры Николай Тузов җитәкчелегендәге, рәсми визиты
РФ ФҖ Федерация Советының Сенаторлар клубы делегациясе, башкарма директоры Николай Тузов җитәкчелегендә, Татарстан Республикасы Чирмешән муниципаль районының Иске Элмәле авылына рәсми визит белән килде. Әлеге визитның максаты - Иске Элмәле чиркәвен торгозуга 30 ел тулу, шулай ук, Сенаторлар клубы патронажы астында узган, Архангел Михаил гыйбадәтханәсенә могҗизалы «Һәлак булучыларны эзләү» Изге Ана иконасының кайтарылуына 5 ел тулу.
Мәхәллә башлыгы Сергий атасына, Иске Элмәле Архангел Михаил гыйбадәтханәсенең юбилее уңаеннан РФ ФС Сенаторлар клубыннан котлау сүзләре җиткерелде һәм бүләкләр тапшырылды.
Гыйбадәтханәдә булу белән беррәттән Сенатор клубы башкарма дирекциясе Чирмешән үзәк район китапханәсе һәм Иске Элмәле авыл китапханәсе вәкилләре белән очрашты.
Очрашу барышында Николай Тузов башкарма дирекция вәкилләре белән берлектә китапханәләргә Федерация Советының Сенаторлар клубыннан һәм шәхсән үз исеменнән китаплар тапшырды. Ул шулай ук төбәк китапханәләре арасында иң яхшы тәҗрибәләрне ачыклау, инновацион эшләнмәләргә һәм технологияләргә ярдәм итү, китапханәләргә хезмәт күрсәтү дәрәҗәсен күтәрү һәм китапханәләрнең алдынгы тәҗрибәсен хәзерге җәмгыятьтә тарату максатыннан, Сенатор клубы тарафыннан расланган «Россия регионнарының Алтын китапханә фонды» конкурсын үткәрү турында игълан итте.
Китапханә конкурсының максатлары һәм бурычлары турында Федерация Советы Сенаторлар клубы фәнни-белем бирү секциясенең башкарма органы җитәкчесе Евгений Ракунов сөйләде.
Башкарма дирекция тарафыннан барлык чараларны да, планлаштырылган очрашуларны да кертеп, югары дәрәҗәдә оештырылу билгеләп үтелде.