Чирмешән районы мәктәпләрендә уку көне флаг күтәрү һәм гимн башкарудан башланды

2022 елның 6 сентябре, сишәмбе

Яңа уку елыннан һәр дүшәмбе көнне илнең барлык мәктәпләрендә дәүләт флагларын күтәрү, дәүләт гимннарын башкару һәм класстан тыш "Мөһим мәсьәләләр турында сөйләшүләр" чарасы белән башланачак.

5 сентябрьдә бу чаралар районның барлык мәктәпләрендә дә узды. Алар укучыларда Россия өчен горурлык формалаштырырга, мавыктыргыч формада илебезнең тарихы, традицияләре һәм мәдәни мирасы белән таныштырырга тиеш.