«Йолдызлык-2026» XXVI республика телевизион эстрада сәнгате фестиваленең муниципаль этабы узды
«Йолдызлык-2026» XXVI республика телевизион эстрада сәнгате фестиваленең муниципаль этабы узды.
«Яшьләр һәм балалар» милли проектының бер өлеше булган конкурс сәләтле балаларны һәм яшьләрне ачыклау, аларга ярдәм итү һәм аларның иҗади тормышка ашуы өчен шартлар тудыру буенча мөһим бурычны үти.
Агымдагы сезонда жюри хөкеменә 107 номер тәкъдим ителде. Сайлап алу нәтиҗәләре буенча 37 җиңүче һәм призер билгеләнде. Моннан тыш, 16 иҗат коллективына һәм солистка махсус чакырулар тапшырылды.
Әлеге яшь артистлар безнең районны 18-19 мартта Чирмешән районында узачак зона этабында тәкъдим итү хокукына ия булачак. Оештыручылар барлык катнашучыларга, аларның остазларына һәм ата-аналарына иҗат һәм талант бәйрәме өчен ихлас рәхмәтләрен белдерәләр. Яңа казанышлар һәм җиңүләр телибез!