Архивта - яшь кунаклар
Чирмешән муниципаль районы башкарма комитетының архив бүлеге 2026 елга эш планы кысаларында килүчеләрне актив кабул итә.
Шушы көннәрдә, 18 февральдә, биредә "Алдынгылар хәрәкәте"нең яшь активистлары – Советлар Союзы Герое И. Н.Конев исемендәге Чирмешән мәктәп-интернаты кадетлары булып китте. Архив бүлеге җитәкчесе Рамилә Мәүлетовна балалар өчен экскурсия үткәрде. Ул архивта саклана торган кыйммәтле документлар, шул исәптән Бөек Ватан сугышында катнашкан Евгения Ильинична Уламасовага багышланган материаллар турында сөйләде. Балалар архивның мөһимлеген һәм үткән заман дәлилләренең монда бик кадерләп саклануын белделәр. Архивта балалар борынгы документларны карап, тарихка кагыла алдылар. 1939 елгы сайлау комиссияләренең беркетмәләре аеруча кызыксыну уятты, анда матур һәм төгәл почерк белән сокланырга мөмкин иде. Рамилә Мәүлетовна укучыларны киләчәк турында уйланырга дәртләндерде, мәктәпне тәмамлагач, югары уку йортларына укырга керергә һәм туган районнарына эшкә кайтырга тәкъдим итте, чөнки "Яшьләр һәм балалар" илкүләм проекты ярдәмендә алар алдында киң перспективалар ачыла. Очрашу азагында һәр яшь кунакны зур булмаган, ләкин күңелле бүләк – канцелярия кирәк-яраклары көтә иде.