"Дача амнистиясе" - барысы да бик ансат түгел

Яз җитү белән шәхси торак төзелеше эшләре дә җанланды. Шул сәбәпле, Татарстан Республикасы буенча Росреестр Идарәсе түбәндәге хокукый аспектларны аңлатып китү артык булмас дип саный. 

Беренчедән, 2015 елның 1 мартыннан "дача амнистиясенең" гамәлдәге вакыты чыга. Нәкъ менә шул датага кадәр генә төзелеп беткән торакка хокукның дәүләт теркәве җир участогына хокук бирүче документлар нигезендә генә теркәлә. 

Икенчедән, Россия Федерациясенең Җир кодексы нигезендә җир участогы максатчан рәвештә генә кулланылырга тиеш. Ягъни шәхси торак йортлар шәхси торак төзергә дип бирелгән участокларда гына төзелә ала. Кызганычка каршы, Идарәгә бакча җирендә төзелгән шәхси торак йортларны теркәүне үтенеп мөрәҗәгать итүчеләр арта. Ләкин бакча җире җиләк-җимеш, яшелчә, башка төрле авыл хуҗалыгы культуралары үстерү яки ял итү өчен бирелә. Шуңа да анда төзелгән өй башка процедуралар аша теркәлә. 

Өченчедән, Россия Федерациясенең Шәһәр төзелеше кодексы нигезендә, шәхси йорт төзергә теләүче кеше төзелеш өчен рөхсәт алырга тиеш. Әгәр дә мондый рөхсәт булмаса, үз белдегең белән төзелеш алып барган буласың һәм аңа хокукны бары суд кына торгыза ала.

Матбугат хезмәте.